Sardar Gurjari

શુક્રવાર, તા. ૨૨ નવેમ્બર, ૨૦૧૯, કારતક વદ ૧૦, વિ.સં. ૨૦૭૬, વર્ષ -૧૯, અંક -૧૫૫

મુખ્ય સમાચાર :
નડિયાદ : પોલીસીની શરતો મુજબ કલેઇમ મેળવવા વીમેદાર હકકદાર છે : ગ્રાહક કોર્ટ
શરતોનું કારણ દર્શાવીને કલેઇમમાંથી કપાત કરેલ ૯૯પ૦ ચૂકવવા વીમા કંપનીને હુકમ
17/10/2019 00:10 AM Send-Mail
ભવિષ્યને ધ્યાને લઇને મેડિકલેઇમ પોલીસી લેનાર ધારકો પૈકી કેટલાકને ખરેખર થયેલ ખર્ચના કલેઇમની પૂરેપૂરી રકમ મેળવવામાં હાડમારી અનુભવવી પડતી હોય છે. તેમાંયે વીમા કંપની દ્વારા પોલીસીની શરતોના કારણ હેઠળ કલેઇમમાંથી કેટલીક રકમ કપાત કરાય છે. જો કે જાગૃત વીમેદાર દ્વારા આ મામલે ગ્રાહક કોર્ટમાં રાવ કરીને ન્યાય મેળવે છે. નડિયાદના વીમેદારે પણ વીમા કંપનીએ કપાત કરેલ રકમ અંગે ફરિયાદ કરતા ગ્રાહક કોર્ટે રૂ.૯૯પ૦ વ્યાજ સહિત ચૂકવવા વીમા કંપનીને હુકમ કર્યો હતો.

પ્રાપ્ત વિગતોમાં નડિયાદના હબીબ લેરખીએ નડિયાદમાં આવેલ નેશનલ ઇન્સ્યોરન્સ કંપની લી.માંથી પોતે અને પત્ની રુકસાનાબેનની સંયુકત મેડિકલ કલેઇમ પોલીસી લીધી હતી. તા. ૧ર ઓગસ્ટ, ર૦૧૮થી ૧૧ ઓગસ્ટ, ર૦૧૯ દરમયાન પોલીસી કાર્યરત હોવા સમય દરમિયાન રુકસાનાબેન બીમાર થતા તેઓને નડિયાદની ખાનગી હોસ્પિટલમાં અંદરના દર્દી તરીકે દાખલ કરવામાં આવ્યા હતા. જેઓનો સારવાર ખર્ચ કુલ ૩૦૮૬૯ થયો હતો. જેમાં ર૪પ૦ હોસ્પિટલનું બિલ તેમજ ૬૩૬૯ અન્ય ખર્ચ થયો હતો. જે તમામ ખર્ચના કાગળો સાથે તેઓએ વીમા કંપનીમાં કલેઇમ મોકલ્યો હતો.

દરમિયાન વીમા કંપનીએ તેઓના બેંક ખાતામાં રૂ. ૧૬૩૬૯ જમા કરાવ્યા હતા અને બાકીની રકમ રૂ. ૧૪ હજાર ચૂકવ્યા ન હતા. જે મેળવવા રુકસાનાબેને નડિયાદ ગ્રાહક કોર્ટમાં ફરિયાદ કરી હતી. વીમા કંપની તરફે જવાબ રજૂ કરાયો હતો કે મેડિકલેઇમ ફેમીલી ઇન્સ્યોરન્સ પોલીસીની શરત મુજબ ફરિયાદીને મળવાપાત્ર રકમ ચૂકવી આપી હતી અને ૧૪પ૦૦ મળવાપાત્ર નથી. કોર્ટે બંને પક્ષોની દલીલો, જવાબો ધ્યાને લીધા હતા. બાદમાં કોર્ટે નોંધ્યું હતું કે, પોલીસી ર લાખની હોવાથી તેની શરતો મુજબ ફરિયાદી ચાર્જના રૂ. ૮હજાર મેળવવા હકકદાર છે પરંતુ ર૪૦૦ પરચુરણ ખર્ચ મેળવવા હકકદાર નથી. આથી વીમા કંપનીએ ફરિયાદીને અગાઉ ૧૬૩૬૯ જમા કરાવેલ છે તે સંજોગોમાં કલેઇમની બાકીની રકમ રૂ.૯૯પ૦ ફરિયાદ તારીખથી વસૂલ થતા સુધી ૭ ટકા વ્યાજ સાથે તથા ફરિયાદ ખર્ચના રૂ. ર હજાર ચૂકવવા ગ્રાહક કોર્ટે વીમા કંપનીને હુકમ કર્યો હતો.

જિલ્લાના ૧૦૦થી વધુ ગામોના સરપંચોનું કલેકટરને આવેદનપત્ર

નડિયાદ : કોલેજ રોડ પરની હોટેલો દ્વારા ઠલવાતા એંઠવાડથી સ્થાનિકો પરેશાન

નડિયાદ પાલિકા દ્વારા સુએજ પ્લાન્ટમાં સળગાવાતા કચરાથી પ્રદૂષણ અંગે સ્થાનિકોનું આવેદનપત્ર

ખેડા જિલ્લા વિકાસ અધિકારી દ્વારા લેવાતા ત્વરિત નિર્ણય અને કડક પગલાંથી સ્થાનિક રાજકારણમાં હડકંપ

ચકલાસી નગરપાલિકામાં ભાજપનું નાક બચ્યું, બીજી ટર્મ માટે ભરત વાઘેલાની પ્રમુખપદે વરણી

ચકલાસી નગર પાલિકાની આજની બોર્ડ બેઠક વહીવટી બોડીની વરણી હાઇ પ્રોફાઇલ બની રહેશે !

નડિયાદ : રાફેલ મુદ્દે રાહુલ ગાંધી પ્રજાની માફી માંગેની માંગ સાથે ભાજપ દ્વારા ધરણાં

નડિયાદ: શેઢી સિંચાઇની સબ કેનાલોમાં સફાઇના નામે ભ્રષ્ટાચાર : કેનાલોમાં ઘાસ ઊગી નીકળ્યું