Sardar Gurjari

સોમવાર, તા. ૬ જુલાઈ, ૨૦૨૦, અષાઢ વદ ૧, વિ.સં. ૨૦૭૬, વર્ષ -૨૦, અંક -૨૧

મુખ્ય સમાચાર :
ખેડા જિલ્લામાં ગ્રામ્ય અને શહેરી રસ્તાઓની મરામતની કામગીરી પૂરજોશમાં
દિવાળી પહેલા રસ્તા મરામતના કામો પૂર્ણ કરવા કલેક્ટરની તાકીદ : જિલ્લામાં ૯૦૧ કિ.મી.ના રસ્તાઓનું સમારકામ પૂર્ણ
17/10/2019 00:10 AM Send-Mail
ખેડા જિલ્લામાં ચાલુ વર્ષે ચોમાસા દરમિયાન થયેલા ભારે વરસાદને કારણે જાહેર માર્ગોને મોટા પ્રમાણમાં નુકસાન થવા પામ્યું છે. ભારે વરસાદને કારણે માર્ગો પર ખાડા પડવા, ધોવાણ થઇ જવું જેવા કારણોસર આવા માર્ગોનું રિસરફેસિંગ-રીપેરીંગ કરવું આવશ્યક બની ગયું છે. રાજય સરકારે જનહિતલક્ષી નિર્ણય લઇને અતિભારે વરસાદથી નુકસાન પામેલા માર્ગોેની દિવાળી પહેલાં મરામત માટેનો નિર્ણય કર્યો છે. ખેડા જિલ્લામાં મોસમનો કુલ ૧૦૫૧૯ મી.મી વરસાદ નોંધાયો છે. જેના કારણે જિલ્લાના અનેક માર્ગોનું ધોવાણ તથા ખાડા પડી જવાથી નુકસાન થવા પામ્યું છે. લોકોની સુખાકારી માટે માર્ગ અને મકાન વિભાગ દ્વારા રીપેરીંગની કામગીરી પુર જોશથી ચાલુ કરવામાં આવી છે.

ઉલ્લેખનીય છે કે, માર્ગ અને મકાન વિભાગ (રાજય) તથા પંચાયત હસ્તકના રસ્તાઓનું મરામત કામ યુધ્ધના ધોરણે હાથ ધરવામાં આવ્યું છે. માર્ગ મકાન વિભાગ દ્વારા ૯૦૧ કિ.મી ના રસ્તાઓનું પેચવર્ક કામ પુરું કરવામાં આવ્યું છે. બાકી રસ્તાઓનું સમારકામ દિવાળી પહેલા પૂર્ણ કરવામાં આવશે. ખેડા જિલ્લાના બિસ્માર રસ્તાઓને રિપેશ કરવા માટે કલેકટર સુધીર પટેલના અધ્યક્ષસ્થાને બેઠક યોજાઇ હતી. કલેકટરએ જિલ્લામાં વરસાદથી નુકસાન પામેલ ગ્રામ્ય અને શહેરી રસ્તાઓનું સમારકામ દિવાળી પહેલા પૂર્ણ કરવા માર્ગમકાન વિભાગના અધિકારીઓને તાકીદ કરી હતી. આ બેઠકમાં જિલ્લા વિકાસ અધિકારી ગાર્ગી જૈન, માર્ગ અને મકાન વિભાગના અધિકારીઓ, ચીફ ઓફિસરો હાજર રહ્યા હતા.


ખેડા જિલ્લામાં કોરોનાનો ભીંસાતો સકંજો : વધુ ૧૪ પોઝિટિવ સાથે કુલ ૨૩૯

ખેડા જિલ્લામાં કોરોનાના ર૪ કલાકમાં ૨૬ કેસ

નડિયાદ : કોરોનાગ્રસ્ત દર્દીનો અર્ધ બળેલ મૃતદેહ ધ્યાને આવતા વહીવટી તંત્ર સ્તબ્ધ

સેવાલિયાના પાલી ગામે કવોરી ઉદ્યોગકારો અને સ્થાનિકો વચ્ચે વિવાદ

ખેડા જિલ્લામાં વાયરલ ફિવર માથું ઉંચકતા પ્રજાજનોમાં કોરોના સંક્રમણ હોવાની દહેશત

નડિયાદમાં કોરોનાના વધતા કેસના કારણે શાક માર્કેટ બંધ કરવા નિર્ણય લેવાયો

ખેડા જિલ્લામાં કોરોના વિસ્ફોટ, ૧૪ પોઝિટિવ કેસ સાથે કુલ આંક ૧૯૧

ચલાલીથી સુરાશામળ તરફનો રસ્તો હલકી ગુણવત્તાવાળો હોવાના આક્ષેપ સાથે સ્થાનિકોએ કામ અટકાવ્યું