Sardar Gurjari

શનિવાર, તા. ૨૯ ફેબ્રુઆરી, ૨૦૨૦, ફાગણ સુદ ૬, વિ.સં. ૨૦૭૬, વર્ષ -૧૯, અંક -૨૫૨

મુખ્ય સમાચાર :
માનવતા નેવે મૂકાઈ
પીપલગ : અકસ્માતમાં બેભાન બનેલા યુવક પાસેથી ૬૧ હજારની ચોરી
એક્ટિવા સ્લીપ ખાતા યુવક બેભાન થયો અને તસ્કરો યુવકનું એક્ટિવા, રોકડ તેમજ મોબાઈલ મળી કુલ રૂપિયા ૬૧ હજારનો મુદ્દામાલ ચોરી ફરાર
20/08/2019 00:08 AM Send-Mail
નડિયાદ તાલુકાના પીપલગમાં રહેતો એક યુવક પોતાનું એક્ટિવા લઈ ગામમાં આવેલ એપીએમસી નજીકથી પસાર થઈ રહ્યો હતો. દરમિયાન સ્ટેયરીંગ પરનો કાબૂ ગુમાવી બેસતાં એક્ટિવા સ્લીપ ખાઈ ગયું હતું. આ અકસ્માતમાં ગંભીર રીતે ઈજાગ્રસ્ત બનેલ યુવક સ્થળ પર બેભાન થઈ ગયો હતો. જેનો લાભ લઈ અજાણ્યાં શખ્સો યુવકનું એક્ટિવા, મોબાઈલ તેમજ રોકડ મળી કુલ રૂ.૬૧,૦૭૦ નો મુદ્દામાલ ચોરીને ફરાર થઈ ગયા હતા.

આ અંગે મળતી માહિતી મુજબ નડિયાદ તાલુકાના પીપલગમાં રહેતાં અનિકેત કમલેશભાઈ પટેલ ગત તા.૨૭-૭-૧૯ ના રોજ પોતાનું એક્ટિવા નં જીજે ૦૭ સીએન ૦૭૪૩ લઈ પીપલગ એપીએમસી માર્કેટ નજીકથી પસાર થઈ રહ્યાં હતાં. દરમિયાન અનિકેતભાઈએ સ્ટેયરીંગ પરનો કાબૂ ગુમાવી બેસતાં એક્ટિવા સ્લીપ ખાઈ ગયું હતું. એક્ટિવા પરથી ફંગોળાઈ જમીન પર પટકાતાં અનિકેતભાઈને ગંભીર ઈજાઓ થઈ હતી. આ સમયે તેઓ પંદરેક મિનિટ સુધી બેભાન અવસ્થામાં ધકેલાઈ ગયાં હતાં. દરમિયાન કોઈ અજાણ્યો ચોર ઈસમ અનિકેતભાઈનું એક્ટિવા કિંમત રૂ.૪૦,૦૦૦, એક્ટિવાની ડેકીમાં મૂકેલ રૂ.૬૦૭૦ તેમજ રૂ.૧૫,૦૦૦ ની કિંમતનો મોબાઈલ ફોન મળી કુલ રૂ.૬૧,૦૭૦ નો મુદ્દામાલ ચોરી કરી લઈ ગયાં હતાં. અનિકેતભાઈ ભાનમાં આવ્યાં બાદ તેમનું એક્ટિવા, રોકડ તેમજ મોબાઈલ ના મળતાં તેઓએ તેની શોધખોળ હાથ ધરી હતી. જો કે આ વસ્તુઓની આજદિન સુધી ભાળ ના મળતાં આખરે અનિકેતભાઈ પટેલે નડિયાદ રૂરલ પોલીસમાં અજાણ્યાં ચોર ઈસમ વિરૂધ્ધ ફરિયાદ આપતાં પોલીસે કાર્યવાહી હાથ ધરી છે.


સરસપુરમાં મહિલાને બેભાન કરીને ૮૬ હજારની મત્તા લૂંટી ચાર શખ્સો ફરાર

નડિયાદ : સંતરામ રોડ પર પાલિકાની દબાણ ટીમ અને લારીવાળા વચ્ચે છુટ્ટા હાથની મારામારી

ભાનેર પાટીયા પાસે આઇસર ટ્રકે બાઇકને ટક્કર મારતા એકનું મોત, એક ગંભીર

પીકઅપ ડાલામાં લઈ જવાતાં ૩૩ હજારના વિદેશી દારૂ સાથે બે ઝડપાયાં

માતરમાં મોડીરાત્રે તસ્કરોનો તરખાટ ત્રણ દુકાનો, એપીએમસીમાં ચોરી

ચકલાસીની પરિણીતાને મારઝુડ કરી ઘરેથી કાઢી મૂકનાર પતિ સામે ફરિયાદ

નડિયાદ : પત્ની સાથે છૂટાછેડા માંગી ઘરેથી કાઢી મૂકનાર પતિ તેમજ સાસરીયાઓ વિરૂધ્ધ ફરિયાદ

નડિયાદ તેમજ અરજનપુરા કોટમાં બનેલા મારામારીના બે બનાવોમાં ત્રણ ઘાયલ